Gróðurhúsalofttegundir

Um 78% lofthjúps jarðar er nitur  (N₂) og um 21% súrefni (O₂).
Gróðurhúsalofttegundir eru því samtals rétt um 1%.
Meðal þeirra helstu eru koltvísýringur (CO₂), metan (CH₄), Óson (O₃), glaðloft (N₂O), brennisteinshexaflúoríð (SF₆), vatnsgufa (H₂O) og ýmis halógenkolefni.
Meðal tilbúinna gróðurhúsalofttegunda (sem eru manngerðar, þ.e. myndast ekki af náttúrulegum orsökum) eru svo nefnd klór-flúor-kol-efni (CFC), vetnis-flúor-kolefni (HFC) og fleiri efnasambönd sem innihalda kolefni og flúor.

• Koltvísýringur (CO₂) er ein áhrifamesta gróðurhúsalofttegundin.Koltvísýringur er mikilvæg sameind fyrir líf á jörðinni enda notað af plöntum til ljóstillífunar.
  Við ljóstillífun klofnar koltvísýringssameindin í kolefni (C) og súrefni (O₂).
  Hið fyrrnefnda nota plöntur til byggingar á lífrænum kolvetnissamböndum (sykrum) en súrefnið losnar aftur út í andrúmsloftið.
  Þegar plöntur eru étnar af grasbítum berast kolvetnin yfir í dýraríkið og verða bygggingaerfni og undirstöðuorka í fæðukeðjum þess.
  Stór hluti kolefnisins sem bundinn er í ljóstillífun losnar aftur út í andrúmsloftið sem koltvísýringur við öndun dýra og plantna.
• Metan (CH₄) myndast í maga jórturdýra en verður einnig til þegar lífrænt efni rotnar við loftfirrtar aðstæður svo sem í votlendi, ruslahaugum og við hrísgrjónarækt.
  Einnig losnar metan við ófullkominn bruna jarðefnaeldsneytis eða leka í vinnslu þess.
• Glaðloft (N₂O) myndast í litlu magni við bruna eldsneytis, í iðnað og landbúnað.
• Óson (O₃) myndast þegar súrefnissameindir renna saman fyrir tilstilli orkuríkra sólargeisla hátt í lofthjúpnum.
  Mikilvægur eiginleiki þess er að það dregur í sig útfjólubláa geisla sólarinnar (UV) og verndar líf á jörðinni fyrir skaðlegum áhrifum þeirra.
  Ýmsar tilbúnar lofttegundir hafa neikvæð áhrif á ósonlagið og eyða því.
• Brennisteinshexaflúoríð (SF₆) og halógeneruð vetniskolefni og perflúorkolefni eru manngerð efni sem innihalda halogen (bróm, klór og/eða flúor) og hafa meðal annars verið notuð við kæli- og slökkvikerfi og valda eyðingu ósonlagsins.
• Vatnsgufa (H₂O) er algengust gróðurhúsalofttegunda en magn hennar er mjög misjafnt í lofthjúpnum bæði í tíma og rúmi.
  Maðurinn hefur ekki bein áhrif á magn hennar en með hækkandi hitastigi eykst uppgufun.